Авиокомпанијата Луфтханза ќе откаже најмалку 1.200 редовни летови поради штрајкови на аеродромите во Франкфурт и Минхен.
Штрајковите, заедно со инцидентот поврзан со ИТ секторот што доведе до приземјување на авион на Луфтханза во средата, претставуваат последен во серијата проблеми за авиокомпанијата, објави Блумберг.
Портпаролката на компанијата Кристин Бехле изјавила дека компанијата ќе ги прекине летовите поради еднодневен штрајк на двата најголеми германски аеродроми.
Вработените вршат притисок врз работодавците бидејќи на претходните преговори не беа постигнати очекуваните резултати“, рече Бехле.
Блумберг објави дека штрајковите би можеле потенцијално да го комплицираат планираното патување на учесниците на претстојната Минхенска безбедносна конференција.
Прекинот на летовите уследи по случајното сечење на телекомуникациските кабли во средата, поради што флотата на германската компанија беше приземјена во поголемиот дел од денот.
Штрајкот претставува уште еден прекин на работата бидејќи вработените бараат подобри услови за работа поради зголемените трошоци за живот.
