На почетокот на овој месец „Samsung“ ја претстави серијата „Galaxy S23“. Компанијата веќе започна со претпродажба на телефони од оваа серија.
Минатата недела имаше извештаи за рекордна претпродажба во Индија. Вчера беше откриено дека слична е ситуацијата и во Јужна Кореја.
Интересот за серијата „Samsung Galaxy S23“, која според првите тестови се чини дека е многу подобра од претходната, најмногу поради чипот, е голем во Јужна Кореја.
Така, локални извори јавуваат дека јужнокорејскиот технолошки гигант забележал 1,09 милиони преднарачки за модели од оваа серија. Ова е зголемување од 7% во пред-нарачките во однос на серијата „Galaxy S22“.
Дополнително, ова е најголемиот број на преднарачки досега за серијата „Galaxy S“ во Азија. Со исклучок на серијата „Galaxy S“, само серијата „Galaxy Note 10“ од 2019-та година имаше подобра претпродажба во текот на летото 2019-та година.
Она што е особено интересно се нарачките по модел. Очекувано, најпорачуваниот модел е „Galaxy S23 Ultra“, чиишто преднарачки сочинуваа 60% од вкупниот број. Следи обичниот „Samsung Galaxy S23“ со удел од 24%, додека најмалку од овие модели е претходно нарачаниот „Samsung Galaxy S23+“ со удел од 16%.
Пред претставувањето на оваа серија се појави информација дека следната година „Samsung“ ќе се откаже од моделот „Galaxy S+“, а се чини дека сега има уште една причина за ваквата одлука.
Кога зборуваме за спецификациите на серијата „Galaxy S23“, таа пристигна оваа година со поинаков дизајн (пред се обичните и моделите „Plus“) во однос на претходната серија. Дополнително, „Galaxy S23“ и „Galaxy S23+“ пристигнуваат со поголеми батерии во однос на нивните претходници, но и со специјален чип од американската компанија „Qualcomm – Snapdragon 8 Gen 2 for Galaxy“.
