Интернет гигантот „Yahoo“ соопшти дека планира да намали повеќе од 20 отсто од вкупната работна сила како дел од големото реструктуирање на единицата за технологија за рекламирање, пренесува „Reuters“.
Отпуштањата ќе влијаат на речиси 50 отсто од технолошката работна сила на „Yahoo“ до крајот на оваа година, а 1.000 ќе бидат отпуштени уште оваа недела, соопшти компанијата.
„Yahoo“, кој е во сопственост на приватната компанија „Apollo Global Management“ од 2021-ва година, рече дека овој потег ќе и овозможи на компанијата подобро да се фокусира и инвестира во својата основна дејност за рекламирање, наречена „DSP“.
Ова доаѓа бидејќи многу огласувачи ги намалуваат своите буџети за маркетинг како одговор на рекордно високата инфлација и континуираната неизвесност за очекуваната рецесија.
Голем број американски компании, од „Goldman Sachs Group“ до „Alphabet“, исто така укинаа илјадници работни места оваа година. Ова се должи на слабеењето на побарувачката поврзано со инфлаторните притисоци и зголемувањето на каматните стапки.
„Axios“ беше првиот што објави дека „Yahoo“ планира да се раздели со голем дел од својот персонал.
