САД им порачаа на своите граѓани веднаш да ја напуштат Русија поради војната во Украина.
Како што наведоа, предупредувањето дошло поради ризикот да станат жртви на произволно апсење или малтретирање од страна на руските агенции.
Во соопштението на американската амбасада во Москва се вели:
„Американските граѓани кои живеат или патуваат во Русија треба веднаш да ја напуштат земјата. Бидете особено внимателни поради ризикот од притвор. Не патувајте во Русија“.
САД постојано ги предупредуваа своите граѓани да ја напуштат Русија.
Последното вакво јавно предупредување беше во септември, откако претседателот Владимир Путин нареди делумна мобилизација.
