Дивизијата на „Xiaomi“ во Индија објави дека „13 Pro“ ќе биде глобално пуштен во продажба за време на саемот „Mobile World Congress“ (MWC) на 26-ти февруари, а тоа го потврди и Леи Јун – извршниот директор на „Xiaomi“.
Тој ја спомена серијата „Xiaomi 13“ во објавата, што укажува дека можеме да очекуваме стандарден модел „Xiaomi 13“ заедно со „Xiaomi 13 Pro“.
Да ве потсетиме, „Xiaomi 13 Pro“ користи чипсет Snapdragon 8 Gen 2 во комбинација со до 12 GB RAM и 512 GB простор за складирање.
Екранот на телефонот е 6,73-инчен QHD+ 120Hz LTPO OLED, со Gorilla Glass Victus заштита. За софтверска поддршка ќе биде задолжен Android 13 со кориснички интерфејс MIUI 14.
Во екранот е вграден читач за отпечатоци, како и поддршка за HDR10+ и Dolby Vision. Има и отвор за селфи камера од 32 MP.
На задната страна има систем со три камери, составен од главен сензор од 50,3 MP со поддршка за OIS, телефото сензор од 50 MP и ултраширок сензор од 50 MP. Системот на камерата користи леќи Leica.
Сè се напојува со батерија од 4820 mAh, со поддршка за брзо полнење од 120 W и безжично полнење од 50 W. Поддржано е и обратно безжично полнење од 10W.
