Нови потреси во Турција, над 4.800 загинати, потрагата по преживеани продолжува!

Бројот на загинати во двата разорни земјотреси што вчера ги погодија јужна Турција и северозападна Сирија се искачи на повеќе од 4.800, пишува „Гардијан“. Земјотресите зад себе оставија илјадници повредени, а спасувачките тимови на терен трагаат по исчезнатите под урнатините.

Земјата продолжува да се тресе. Така, утринава централна Турција ја погоди земјотрес со јачина од 5,3 степени според Рихтер, соопшти Европскиот медитерански сеизмолошки центар (EMSC).

Земјотресот е регистриран на длабочина од десет километри.

Тоа се случи еден ден по двата разурнувачки земјотреси со јачина од 7,8 и 7,5 степени според Рихтеровата скала што ја погодија јужна Турција и северозападна Сирија рано наутро и подоцна попладне, при што загинаа повеќе од 4.800 луѓе.

По овие земјотреси следеа серија послаби земјотреси.