недела, 5 февруари 2023
ПочетнаКОМПАНИИНајголемите светски компании масовно отпуштаат, освен една

Најголемите светски компании масовно отпуштаат, освен една

Зошто технолошките компании отпуштаат толку многу луѓе? Се чини дека тоа е горливото прашање овие денови, бидејќи светот се соочува со продолжена инфлација на која не му се гледа крајот.

Минатата година без работа останаа речиси 100.000 луѓе, а „ударите“ се уште доаѓаат.

Во последните месеци, технолошките компании отпуштија илјадници вработени: почнувајќи од Мета и Твитер, преку Амазон, Мајкрософт, Гугл. Еден од најжестоките „скандали“ се случи токму во империјата на Марк Цукерберг, кога дури 11.000 работници останаа без работа во еден ден.

Во исто време, сè се случува во истиот, краток период.

Најголемите гиганти решија да ги намалат буџетите и трошоците, а вработените се „први на удар“. И тоа, доста често не се бира патот. Така, на пример, Мајкрософт прво организираше забава за вработените, а веднаш потоа најави отпуштања.

Отпуштања се случуваат и преку Slack, преку е-пошта, кога луѓето се на вечера или мејловите доаѓаат среде ноќ. Кога ќе се разбудат – имаат што да видат. Во овој контекст, не можеме да не се запрашаме: Ако тоа е случај на најголемиот пазар во светот, тогаш на што треба да се надева остатокот од планетата?

Како да ја зачувате вашата работа во 2023 година?

Како што објави „Блумберг“ пред неколку дена, „Мајкрософт“ објави прекин на уште 10.000 работни места, а за тоа се подготвува и „Амазон“.

Според податоците на Челинџер, технолошката индустрија ќе забележи зголемување од 649% на најавените кратења на работни места во 2022 година, со вкупно 97.171 – најмногу од падот на dot-com пред повеќе од две децении. Оваа година не изгледа ништо подобро од минатата.

Досега во јануари, Амазон соопшти дека очекува да отпушти 18.000 луѓе, а повеќе од 20 американски технолошки компании, вклучувајќи ги Coinbase, Flexport и Salesforce, рекоа дека ќе ја намалат својата работна сила за 10% или повеќе.

Зошто кратењата се случуваат сега?

Неколку компании ги обвинија „оптимистичките“ проекции за овој феномен, додека други рекоа дека третирањето на навиките на ниво на пандемија како „постојано забрзување“ (случајот на Мета) ги доведе во заблуда. Но, враќањето кон поразумен раст може да се покаже како тежок предизвик.

Стартапите поддржани со ризичен капитал генерално го фаворизираа растот пред краткорочната финансиска одржливост, за да се позиционираат да излезат на берзата или да бидат купени, додека цените на акциите во јавно тргуваните технолошки компании се засноваат на постојано зголемување на претпоставките за раст.

Ако сите овие компании се свртат кон „безбедно приземјување на ракетите“, останува нејасно дали тие ќе го привлечат вниманието на инвеститорите како што секогаш го правеле.

Дали Волстрит навистина сака да слушне од Силиконската долина за новооткриената „скромност“ и финансиска претпазливост?

Единствен исклучок?

Додека отпуштањата силно погодија голем број технолошки фирми, се чини дека еден гигантот успева да „остане на површина“, а тоа е Apple.

Најголемата светска компанија досега успеваше да избегне кратење на работни места, но ниту Apple не е имун на деловните предизвици кои ги погодија другите технолошки гиганти. Пред се, треба да се потсети на неговата зависност од Кина, каде што се наоѓа најголемата фабрика на компанијата.

Како што пишува WSJ, се очекува Apple да го пријави својот прв квартален пад на продажбата за повеќе од три години следниот месец. Компанијата исто така го забави вработувањето во некои области, но производителот на iPhone сигурно се позиционираше подобро од многу негови ривали досега, делумно поради тоа што вработуваше со многу побавно темпо.

Сепак, во 2023 година, Apple има тенденција да биде „млак“ во понатамошното работење, со ограничени придобивки на вработените и бизниси фокусирани на хардверски производи и продажба, кои досега во голема мера го избегнаа економскиот пад.

Портпаролот на Apple одби да ја коментира ситуацијата.

Од крајот на фискалната година во септември 2019 година до септември 2022 година, работната сила на Apple порасна за околу 20% на приближно 164.000 вработени со полно работно време.

Во меѓувреме, околу истиот временски период, бројот на вработени на Амазон се удвои, Мајкрософт порасна за 53%, Алфабет (Гугл) го зголеми својот персонал за 57%, а сопственикот на Фејсбук Мета ја зголеми својата работна сила за 94%.

Apple има приближно 65.000 вработени во малопродажба кои работат во повеќе од 500 продавници и тие сочинуваат приближно 40% од вкупната работна сила на компанијата.

Последниот голем круг отпуштања во Apple се случи во далечната 1997 година, кога ко-основачот Стив Џобс се врати во компанијата, која потоа ги намали трошоците со помош на „методот на отпуштања“ на дури 4.100 вработени.

НАЈНОВИ ВЕСТИ

ХОРОСКОП