Претседателот на Русија, Владимир Путин, изјави дека Евроазиската економска унија ги има сите можности да стане еден од моќните независни полови на мултиполарниот свет, се вели во соопштението објавено на веб-страницата на Кремљ.
„Очигледно, Унијата ги има сите можности да стане еден од моќните, независни, самодоволни полови кои формираат мултиполарен свет, да биде центар на привлечност за сите независни држави кои ги споделуваат нашите вредности и се стремат кон соработка со Евроазиската економска заедница“, се вели во соопштението.
Претседателот на Русија сегашната задача за Унијата ја нарече намалување на ризиците создадени од употребата на странски валути и платежни системи во меѓусебната трговија.
-Поаѓаме од фактот дека неопходен услов за стабилни односи за порамнување во Унијата е приклучувањето на партнерите во Системот за пренос на финансиски пораки на Централната банка на Русија и развојот на соработката меѓу националните платни системи – се наведува во текстот.
Исто така, според шефот на државата, усогласувањето на финансиските пазари треба да создаде поволни услови капиталот на земјите членки да остане во рамките на асоцијацијата и да се инвестира во националните економии. Дополнително, претседателот ја изрази потребата да се истражи можноста за формирање евроазиска рејтинг агенција која ќе обезбеди инструменти за сервисирање на растечката економска активност во макро-регионот.
Владимир Путин повика на проширување на меѓународните врски на Евроазиската економска унија, вклучително и преговори за слободна трговија со Обединетите Арапски Емирати и Индонезија.
– Имаме намера да направиме се што можеме за да помогнеме да се заврши работата на слични договори со Египет, Иран и Индија, како и да се активираат нови преговарачки патеки, вклучително и со Индонезија и Обединетите Арапски Емирати – напиша Путин.
Според него, подобрувањето на меѓународните односи и контактите на ЕАЕУ со земјите од азиско-пацифичкиот регион, Блискиот исток, Африка и Латинска Америка би помогнало да се зголеми извозот на „сојузнички“ производи и да се изградат нови логистички синџири.
-Нашето здружение може да ја игра улогата на еден од клучните центри за формирање на Големото евроазиско партнерство – сигурен е претседателот на Руската Федерација.
