Фармацевтската компанија Moderna Inc. објави во вторникот дека нејзината експериментална вакцина РНК (мРНК) за респираторен синцицијален вирус (РСВ) се покажала 83,7 отсто ефикасна во доцната фаза на испитување за спречување на најмалку два симптоми, кашлица и треска, кај возрасни над 60 години.
Респираторниот синцицијален вирус се манифестира со симптоми слични на обичната настинка, но може да биде фатален за малите деца и постарите возрасни лица, предизвикувајќи приближно 14.000 смртни случаи годишно кај возрасни на возраст од 65 години и постари.
Есента, болеста ги опустоши САД и Европа во комбинација со сезонскиот грип и болеста КОВИД-19.
Во моментов не постои вакцина за РСВ за возрасни, така што Moderna, Pfizer Inc. и Glaxo Smith Kline (GSK Plc.) се тркаат да донесат нови вакцини на пазарот што е можно поскоро.
Pfizer и GSK поднесоа барање за регулаторно одобрување во САД кон крајот на минатата година.
Вакцината RSV на Pfizer се покажа дека е 66,7 проценти ефикасна против два или повеќе симптоми во испитувањата во доцна фаза.
Модерна соопшти дека има намера да поднесе барање за регулаторно одобрување на нејзината вакцина против РСВ, наречена mRNA-1345, на глобално ниво во првата половина на 2023 година.
Претседателот на Модерна Стивен Хоге изјави за Ројтерс дека резултатите од нивното истражување покажуваат дека вакцината на оваа компанија е подобра во споредба со експерименталните вакцини Pfizer и GSK.
„Исклучително е возбудливо да се следи напредокот на развојот на вакцината против РСВ за постарите лица и верувам дека и двете вакцини покажаа многу добри резултати“, рече Хоге. Навистина мислиме дека сме меѓу најдобрите бидејќи 84 проценти ефикасност е одличен резултат.
На глобално ниво, пазарот на вакцини RSV би можел да вреди повеќе од 10 милијарди долари, од кои половина би дошле од Соединетите држави, покажа експертска анализа.
Анализата на податоците беше спроведена откако 64 учесници во истражувањето се заразиле со респираторен синцицијален вирус. Компанијата планира да ги објави сите релевантни информации на претстојниот состанок.
Хоге откри и дека Модерна започнала секундарни анализи за ефикасноста на таа вакцина против потешка форма на болеста и хоспитализација, но додаде дека се уште е рано да се објави потенцијалната цена на вакцината, која би можела да се примени на пациентите еднаш годишно во иднина.
Генерално беше откриено дека вакцината е безбедна, а најчестите несакани ефекти беа болка на местото на инјектирање, замор и главоболка.
Хоге рече дека нема вообичаени проблеми, како што е развојот на миокардитис, тип на воспаление на срцевиот мускул поврзан со вакцините mRNA против КОВИД.
