Светло зелена комета ќе прелета покрај Земјата за прв пат по 50.000 години и би можела да остане блиску околу еден месец. Претставници на НАСА соопштија дека кометата првпат била забележана во март 2022 година додека била во орбитата на Јупитер, а жителите на северната хемисфера од вчера можат да ја видат со двоглед како мал зелен сјај. Научниците истакнуваат дека кометата ќе биде најблиску до Земјата на 2 февруари, кога ќе биде 42 милиони километри од Земјата.
„Кометите се озлогласено непредвидливи, но ако оваа продолжи со сегашниот тренд на осветленост, ќе биде лесно да се забележи. Може да стане видлива со голо око на темно небо“, објави НАСА на својот блог претходно овој месец.
Зелената комета е ледено небесно тело, официјално именувано C/2022 E3 (ZTF).
Поранешниот професор во средно училиште и астрофотограф Ден Бартлет ја фотографирал кометата од неговата кабина во близина на националниот парк Јосемит во Калифорнија и гледањето во небото го нарекува „понизно“ искуство, пишува Би-Би-Си.
„Ви велам, двоглед, темно место, ќе видите нешто. Донесете ги пријателите и сите ќе видите нешто за цел живот“, рече Бартлет.
На зелената комета и се потребни околу 50.000 години за да орбитира околу Сонцето.
„Секогаш кога имате езерски или океански систем околу вас, тоа предизвикува мазен проток на воздух, што значи дека ѕвездите не трепкаат за да можете да добиете повеќе детали“, објасни тој.
Набљудувачите на северната хемисфера без телескоп ќе ја видат кометата како „бледа, зеленикава дамка на небото“, додека оние со телескоп можат да ја видат опашката на кометата, соопшти Планетарното друштво.
Светло зелен сјај ќе биде видлив за набљудувачите на северната хемисфера на утринското небо додека кометата се движи кон северозапад во текот на јануари. Жителите кои живеат јужно од екваторот ќе можат да го видат во февруари, соопшти НАСА.
Тие не очекуваат повторување на „спектаклот“ во 2020 година предизвикан од кометата NEOWISE, која беше најсветлата комета видлива од северната хемисфера од 1997 година.
Сепак, тие истакнуваат дека ова е сепак „одлична можност лично да се поврзете со леден посетител од далечниот надворешен Сончев систем“, соопшти НАСА.
