Шведската компанија „Frontline“, која работи со нафтени танкери, објави дека се откажува од спојувањето со еден од своите конкуренти – белгискиот „Euronav“.
Договорот беше проценет на 4,2 милијарди долари и требаше да ја создаде најголемата јавна компанија за танкери со 146 танкери за нафта. Плановите беа комбинираната компанија да продолжи да работи со дестинации во Европа и Азија, вклучувајќи ги Норвешка, Белгија, Велика Британија, Сингапур и Грција.
Двете компании го објавија договорот во летото 2022-ра година и се обидоа да го финализираат на почетокот на јули, но потоа преговорите пропаднаа, потсетува „Reuters“. Повеќето акционери на „Euronav“ го поддржаа спојувањето, но противењето на најголемиот од нив, „Compagnie Maritime Belge“, го блокираше договорот.
Во ноември, „Euronav“ ја објави својата прва квартална добивка од 2020-та година поради зголемената побарувачка за големи танкери. Сега компанијата не ја коментира најавата на „Frontline“ за ставање крај на обидите за спојување, додаде „Reuters“.
