Компанијата за повеќекратна употреба на ракети и интернет сателити на Илон Маск, „SpaceX“, ќе собира 750 милиони долари во новиот круг на финансирање што ја проценува компанијата на 137 милијарди долари, според кореспонденцијата цитирана од „CNBC“.
„Bloomberg“ првпат објави минатиот месец дека „SpaceX“ им дозволува на инсајдерите да продаваат по 77 долари по акција, што би ја проценувало компанијата на близу 140 милијарди долари. Компанијата собра повеќе од 2 милијарди долари во 2022-ра година, вклучително и 250 милиони долари во јули, а беше проценета на 127 милијарди долари во кругот во мај, претходно објави „CNBC“.
Според е-поштата испратена до потенцијалните инвеститори на „SpaceX“, „Andreessen Horowitz“ (познато како а16z) најверојатно ќе го предводи новиот круг на финансирање. Раните инвеститори на „SpaceX“ ги вклучуваат „Founders Fund“, „Sequoia“, „Gigafund“ и многу други.
„A16z“ беше вклучен и во откупувањето на „Twitter“ од страна на Илон Маск, зделка од 44 милијарди долари што беше затворена на крајот на октомври 2022-ра година.
„SpaceX“ и „a16z“ не одговорија веднаш на барањето за коментар.
Минатата година „SpaceX“ постигна неколку нови пресвртници, но се соочи со одложувања во својата програма „Starship“, која е дел од напорите на НАСА да ги врати астронаутите на Месечината.
Од друга страна, сателитската интернет услуга на компанијата – „Starlink“ надмина 1 милион претплатници и обезбеди „спас“ за потрошувачите во Украина, која претрпе прекини во инфраструктурата по руската инвазија. „SpaceX“, исто така, успеа да надмине 60 лансирања на ракети за повеќекратна употреба за една година преку својата програма „Falcon“.
Компанијата во моментов продолжува да ги развива своите возила за лансирање „Starship“ и „Super Heavy“ во објектот на компанијата „Starbase“ во Бока Чика, Тексас. Не е јасно кога компанијата ќе премине во следната фаза од програмата, која вклучува орбитен тест на овие поголеми ракети.
Бидејќи Маск постојано размислувал за геополитичките прашања на „Twitter“, администраторот на НАСА, Бил Нелсон, неодамна ја прашал претседателката и директор на „SpaceX“, Гвин Шотвел дали неговото „одвлекување“ како нов сопственик и извршен директор на „Twitter“ може да влијае на операциите на „SpaceX“ со вселенската агенција, објави „NBC News“. Шотвел го увери дека тоа нема да се случи.
Според „CNET“, НАСА во моментов размислува дали „SpaceX“ може да помогне во спасувањето на патниците на Меѓународната вселенска станица, вклучувајќи астронаут и двајца космонаути од руската компанија „Роскомос“. Во декември, руската капсула „Сојуз“ разви истекување на течноста за ладење и моментално е во тек истрага да се утврди дали леталото може безбедно да го врати екипажот дома или наместо тоа ќе треба да се преземат итни мерки.
