На крајот на секоја година, WhatsApp прави еден вид чистка меѓу паметните телефони и верзиите на оперативните системи што ги поддржува. Така и овој пат од 1 јануари ќе ја прекинат поддршката за некои телефони кои, да бидеме реални, одамна требаше да бидат пензионирани.
Според информациите од самиот WhatsApp, станува збор за телефони Самсунг произведени „назад“ во 2011, 2012 и 2013 година, односно моделите Galaxy Ace 2, Galaxy Core, Galaxy S2, Galaxy S3 Mini, Galaxy Trend II, Galaxy Trend Lite и Galaxy Xcover 2. Овие уреди сè уште користат Android верзија 4.x и не може да се надградат на понови верзии.
Покрај телефоните Samsung, на листата се и HTC (Desire 500), Huawei (Ascend D, D1, D2, G740, Mate и P1), Lenovo (A820), LG (Enact, Lucid 2, Optimus 4X HD, Optimus F3 , F3Q, F5, F6 , F7, L2 II, L3 II, L3 II dual, L4 II, L4 II dual, L5, L5 dual, L5 II, L7, L7 II, L7 II Dual, Nitro HD), Sony (Xperia Arc S, Xperia miro, Xperia Neo L) и Apple (iPhone 5 и 5c).
Уште во октомври, WhatsApp објави дека оваа популарна апликација нема да работи на уредите на Apple со iOS 11 или постари, или Android 4.1 или постари.
WhatsApp посочува дека корисниците чии телефони повеќе нема да бидат поддржани биле навреме информирани за ова и добиле можност да направат резервна копија од нивните податоци и разговори.
Затоа, ако вашиот уред е на оваа листа, размислете да купите нов или, ако е можно, да го ажурирате на понова верзија на оперативниот систем.
