ЕВЕ ЈА ЛИСТАТА НА ЖЕЛБИ НА ПУТИН ЗА 2023. Медведев објави бизарна листа – Маск му одговори брутално!

Поранешниот руски претседател Дмитриј Медведев ја објави својата прогноза за наредната година. Тој на Твитер објави серијал со прилично бизарна листа на настани кои очекува да се случат.

„На новогодишната ноќ сите се занимаваат со предвидувања. Многумина излегуваат со футуристички хипотези, како да се натпреваруваат да го одберат најлудото, па дури и најапсурдното. Еве го нашиот скромен придонес. Што може да се случи во 2023 година:

1. Зголемување на цената на нафтата на 150 долари за барел и на гасот на 5.000 долари за 1.000 кубни метри.
2. Враќање на Обединетото Кралство во ЕУ.
3. Распуштање на ЕУ по враќањето на Обединетото Кралство и укинувањето на еврото како валута на поранешната Европска унија.
4. Окупација на западните региони на поранешна Украина од страна на Полска и Унгарија.
5. Создавање на Четвртиот Рајх врз основа на Германија и сателитите кои му се придружија (Полска, балтичките земји, Чешка, Словачка, Романија, Република Киев и други отпадници).
6. Ќе избие војна меѓу Франција и Четвртиот Рајх. Европа ќе се подели, а Полска повторно ќе се подели во тој процес.
7. Северна Ирска ќе се оддели од Кралството Велика Британија и Северна Ирска и ќе се придружи на Република Ирска.
8. Американска граѓанска војна, одвојување на Калифорнија и Тексас во независни држави. Создавање на сојузната држава Тексас и Мексико. Победата на Илон Маск за време на претседателските избори во САД во некои од државите кои беа доделени на републиканците по Граѓанската војна.
9. Сите големи берзи и финансиски активности ќе ги напуштат САД и Европа и ќе се преселат во Азија.
10. Колапс на финансискиот систем на Бретон Вудс, ММФ и Светска банка. Отфрлање на еврото и доларот како светски резервни валути. Враќање на златниот стандард. Транзиција кон активно користење на дигитални валути“.

По објавувањето на серијата твитови на Медведев се огласи и Маск кого го спомна.

„Епска серија. Ова се дефинитивно најапсурдните предвидувања што некогаш сум ги слушнал, а истовремено покажува и неверојатен недостаток на свест за напредокот во вештачката интелигенција и одржливата енергија“, објави Маск.