Да потсетиме, во 2016 година Microsoft го купи LinkedIn за 26,2 милијарди долари, во 2018 година GitHub беше купен за 7,5 милијарди, Minecraft во јуни 2021 година за 2,5 милијарди, а Nuance и Activision-Blizzard оваа година за 19,7 и 68,7 милијарди долари, соодветно.
Купувањето на услугата за стриминг Netflix изгледа како логичен чекор и проширување во нова гранка на индустријата. Да се разбереме, Мајкрософт и Нетфликс се веќе тесно поврзани. Netflix го избра Microsoft за свој партнер за имплементација на реклами, а еден од клучните луѓе на Microsoft, Бред Смит, седи во одборот на директори на Нетфликс. Деловната логика овде е дека Microsoft на овој начин би можел да понуди услуга за стриминг видео игри на повеќе уреди, пишува Reuters.
Од друга страна, Netflix има свои големи планови со игри. Компанијата предводена од Рид Хестингс го купи Spry Fox, нивното шесто студио за развој на игри, оваа година, па спојувањето со Microsoft ќе ги зголеми тие амбиции. Пакет што вклучува стриминг и игри не е тешко да се разбере.
Со пазарна вредност 13 пати поголема од онаа на Netflix денес, Microsoft од 1,8 трилиони долари може да си го дозволи Netflix за кој, дури и да плати премија од 30%, би требало да издвои речиси 190 милијарди долари.
