За пет години, „Apple Inc“ инвестираше повеќе од 100 милијарди долари во својата јапонска мрежа за снабдување. Нејзиниот извршен директор отиде во епицентарот на индустријата за полупроводници во земјата.
Тим Кук ја посети префектурата Кумамото во југозападна Јапонија, дом на фабрики на многу полупроводнички и водечки технолошки фирми, вклучително и една во изградба од страна на „Taiwan Semiconductor Manufacturing Co“ (TSMC).
Од 2019-та година, „Apple“ ги зголеми трошоците за добавувачи во Јапонија за повеќе од 30%. Воспоставената мрежа опфаќа речиси 1.000 компании – од мултинационални до семејни.
Тим Кук го именуваше „Sony Group Corp“ како еден од своите врвни добавувачи во Јапонија кој обезбедува сензори за камера за производите на „iPhone“. Извршниот директор на компанијата од Купертино спомена и некои средни и мали претпријатија како партнери, меѓу кои и текстилната компанија „Inoue Ribbon Industry Co“ и производителот на калапи „Shincron Co“.
29 јапонски добавувачи се обврзаа да се префрлат на обновлива енергија за бизнисите поврзани со „Apple“ до 2030-та година. Тука се вклучуваат „Sony“, „Murata Manufacturing Co“, „Keiwa Inc“, „Fujikura“, „Sumitomo Electric Industries“ и други, велат од „Apple“.
