Официјално е потврдено дека глобалното објавување на „Xiaomi Redmi Note 12 Pro+“ ќе се одржи на 5-ти јануари.
Ова ќе биде првиот телефон „Redmi“ со камера од 200 MP и вториот модел на „Xiaomi“ со таков сензор во целина, по телефонот „Xiaomi 12T Pro“.
Серијата „Redmi Note“ на „Xiaomi“ досега се покажа како многу успешна. Неодамна забележа 300 милиони продадени копии. Кога станува збор за спецификациите, „Redmi Note 12 Pro+“ користи чипсет MediaTek Dimensity 1080, заедно со 8/12 GB RAM и 256 GB простор за складирање.
Дисплејот на телефонот е со големина од 6,67 инчи, со резолуција од 1080 x 2400 p, стапка на освежување од 120 Hz и поддршка за HDR10+.
На задната страна има главна камера од 200MP f/1.7, ултра-широк сензор од 8MP и макро сензор од 2MP, а на предната страна се наоѓа сензор за селфи од 16MP.
„Xiaomi Redmi Note 12 Pro+“ се напојува со батерија од 5000 mAh, со поддршка за брзо полнење од 120 W.
