„VF Group“, сопственик на брендот за патики „Vans“ и спортска облека „Supreme“, ја намали својата прогноза поради послабата од очекуваната побарувачка во Северна Америка и рече дека претседателот и извршен директор Стив Рендел се повлекува, пишува „Bloomberg“.
Трговецот на мало очекува неговиот годишен приход од продажба да порасне за не повеќе од 4% без валутни флуктуации, под привремените насоки за пораст од 6%. Компанијата, исто така, тврди дека послабата побарувачка доведува до повеќе промоции, како и откажувања во продажбата на големо.
Цената на акцијата на „VF“ беше намалена за 7,3% до 9:46 часот по њујоршко време. Од почетокот на годината акциите изгубија повеќе од 54 отсто од вредноста.
Трговците на мало нудат длабоки попусти во последниве месеци за расчистување на вишокот залихи – резултат на комбинација на претходно прекумерна и сега опаѓачка побарувачка на потрошувачите. Некои партнери во трговијата на големо, вклучително и стоковните куќи, ги откажаа нарачките за да го минимизираат количеството на стоки што го купуваат бидејќи потрошувачите стануваат повнимателни во услови на забрзана инфлација.
Ограничувањата во Кина поради Ковид-19 и инфлацијата во Европа, исто така, негативно влијаат на прогнозата, но во помала мера од она што се случува во Северна Америка, соопшти компанијата.
Рендел работеше како извршен директор 6 години по речиси 25-годишна кариера во „VF“. Бено Дор, водечкиот независен директор во одборот на компанијата, е именуван за привремен извршен директор додека гигантот бара постојан кандидат. Ричард Каручи ќе биде привремен претседател.
