„Samsung“ за неколку месеци ќе го претстави „Galaxy Z Flip5“, а сега се појавија интересни информации за телефонот.
Рос Јанг објави информација на „Twitter“ дека „Galaxy Z Flip5“ ќе има значително поголем надворешен екран во споредба со „Z Flip4“.
Големината на екранот се очекува да биде околу 3,3 или 3,4 инчи, што е навистина многу поголемо од сегашните 1,9 инчи на моделот „Flip4“.
Наводно, и внатрешниот дисплеј ќе добие надградба, а тој е поврзан со делот кој е задолжен за телефонот да може да се преклопува.
