Фолксбанк и Рајфајзен банка во Германија одлучија да ги стопираат трансакциите во готовина во сите свои филијали од 1 декември.
Како што велат, тој промет со години постојано се намалува, а само двајца на час ваделе пари од банкоматите во таа земја.
Дали банките во Македонија можат да се одлучат на истиот потег и дали ова е знак дека парите какви што ги знаеме полека заминуваат во историјата?
Уште од седумдесеттите години на минатиот век, паричникот без готовина не значи дека некој е шворц. Со појавата и масовното користење на платежните картички се намали потребата за „живи“ пари. Електронското банкарство отвори ново поглавје, па готовината, особено во развиените земји од западниот свет, беше речиси целосно надмината.
„Граѓаните се повеќе се префрлаат на онлајн плаќање и нарачка. Особено по кризата со корона. Оваа тенденција расте, картичките, шифрите, апликациите за плаќање се повеќе се користат и затоа парите излегуваат од оптек“, велат експертите.
Веста дека две германски банки ќе прекинат со готовинските трансакции не е изненадувачка, со оглед на тоа што во таа земја со години има се помалку банкарски филијали и банкомати. Тоа не е неоправдано, бидејќи во Германија има и клаузули за плаќање во готово, па луѓето се поретко се одлучуваат да подигнат и се помалку да чуваат готовина кај себе.
На банките им е поевтино да преминат на безготовинско плаќање бидејќи готовината е трошок. Во однос на ракување со готовина, транспорт, складирање итн… Се предвидува Шведска да биде првата земја во светот која ќе биде целосно без готовина следната година.
Стокхолм е оддалечен околу 2.000 километри од Скопје, но Шведска е многу подалеку од Македонија кога се во прашање потрошувачките навики. И покрај фактот што електронското банкарство почна да се зголемува и луѓето сè почесто користат картички, македонците сепак преферираат готовина.
Навистина е тешко да се процени кога ќе дојде моментот да се укине кешто во Македонија. Со целосното преминување на безготовинско плаќање, државата ќе има апсолутна контрола врз тековите на парите, така што, теоретски, пропаѓањето на готовината би значело и смрт на сивата економија.
