„HSBC“ ќе затвори 114 филијали во Велика Британија, фокусирајќи се првенствено на мобилното банкарство. Како што соопштија од банката, во реорганизација и модернизација се инвестираат десетици милиони фунти.
Затворањето на филијалите на банката ќе започне во април, а ќе останат 327, ја резимира германската новинска агенција „DPA“ пораката на банката.
„HSBC“ објасни дека посетите на филијалите значително се намалени од избувнувањето на пандемијата на Ковид-19. Некои филијали ги посетуваат и помалку од 250 луѓе неделно, посочија тие.
Од друга страна, бележат се поголем број на посети на банкарски апликации. Од 2017-та година, тоа е трикратно, напишаа тие, додавајќи дека огромното мнозинство на трансакции се спроведуваат целосно дигитално.
„Навиките на луѓето се сменија, во многу гранки имаме најмала посетеност во историјата. Нема знаци за промена на трендот. Мобилното банкарство стана навика за повеќето“, изјави Џеки Ухи, директор на британски „HSBC“.
Според неа, одлуката не била донесена лесно. „Посебно на локации каде што сме единствени. Вложивме многу во стратегијата, во чии рамки ќе им дадеме бесплатни мобилни уреди на оние клиенти кои сѐ уште ги немаат. Во исто време, ќе им помогнеме да преминат кон дигитално банкарство преку индивидуално учење“, додаде таа.
