Холандскиот мобилен оператор „Veon“, кој е на берзата во Амстердам, објави дека ќе го продаде својот руски бизнис, „Вимпелком“, на високи членови на менаџерскиот тим предводен од извршниот директор Александар Торбахов за 130 милијарди рубљи (2,15 милијарди долари), пренесе „Reuters“.
Преку својата подружница „Вимпелком“, „Veon“ управува со брендот „Beeline“ во Русија, пазар кој сочинува околу половина од приходите на групацијата. „Veon“ исто така работи со „Beeline“ во Казахстан и „Kyivstar“ во Украина.
Така, „Veon“, кој очекува договорот да се затвори до 1-ви јуни, се приклучува на растечката листа на западни компании кои продаваат средства во Русија откако Москва ја нападна Украина кон крајот на февруари.
Од компанијата вели дека откупот на менаџментот на„ Вимпелком“ подразбира проценета вредност на претпријатието од приближно 370 милијарди рубљи. Иако „Veon“ се продава со попуст, договорот е релативно редок пример за размена на пари меѓу земјите во услови на брзо корпоративно повлекување на западните компании од Русија.
Јапонски „Nissan“ забележа загуба од 687 милиони долари кога го продаде својот руски бизнис на државна компанија за симболично едно евро, отсликувајќи го претходниот потег на „Renault“, кој го продаде својот мнозински удел во руски „Avtovaz“ за една рубља. Многу компании не ја обелоденија вредноста на нивната продажба.
Договорот вклучува одредба што му овозможува на „Veon“ да има корист од продажбата на „Вимпелком“ по повисока вредност до 30 месеци по затворањето на трансакцијата.
