За разлика од „Motorola Razr“, „Google“ одлучи да се фокусира на големиот екран, што е маршутата по која производителите на паметни телефони сè почесто се движат.
„Google Pixel Fold“, новиот телефон со екран што се витка, е интересен бидејќи очекуваме „Google“ со него да претстави нова верзија на оперативниот систем „Android“ прилагодена на овој тип на телефони.
„Front Page Tech“ наведува дека ова е еден од најтајните проекти на компанијата „Google“ и дека планот е новиот телефон да се претстави во мај следната година со таблетот „Pixel“ на годишната конференцијa на компанијата. Според протечените информации, „Pixel Fold“ треба да пристигне во две бои: црна и бела („Chalk“ и „Obsidian“), а протечените слики го покажуваат изгледот на двата модели.
Без многу информации за спецификациите, се очекува „Pixel Fold“ да работи слично на нефлексибилните модели. Очекуваната цена се совпаѓа со она што „Samsung“ го бара за својот водечки модел „Fold4“ е 1.800 долари.
Камерата на задната страна не изгледа толку доминантна како онаа на моделот „Pixel 7 Pro“, но е доволно голема за да бидете сигурни за кој телефон се работи. Исто така, се чини дека „Pixel Fold“ ќе има механизам сличен на оној на сериите „Honor Magic Vs“ и „Xiaomi Mix Fold“, со преклопување на половините, без простор помеѓу, како што притиска „Samsung“.
Интересно е и тоа што „Pixel Fold“ доаѓа со две селфи камери од 9,5 MP, од кои едната е на надворешниот екран, тип на дупка, додека другата се наоѓа на десната страна на прилично дебелата рамка на внатрешниот екран.
Копчето за вклучување е исто така сензор за отпечатоци од прст, а има и два стерео звучници – еден нагоре и еден надолу. Иако не е одредено, очекуваме телефонот да се напојува од чипсетот „Tensor“, како што е случајот со другите телефони на „Google“.
