Сопственикот на Твитер, Илон Маск, им рекол на вработените дека не е сигурен какви ќе бидат финансиските можности на компанијата и дека не е исклучен банкрот, пренесува Ројтерс.
Ројтерс се обиде да стапи во контакт со Твитер за коментар, но соопшти дека нема одговор.
Новиот сопственик на Твитер, кој е и извршен директор на производителот на електрични возила „Тесла“ и на компанијата „Спејс Икс“, нагласи дека неодамна ги продал акциите на „Тесла“ за да го „спаси Твитер“.
Продажбата на акции во вредност од 19,5 милијарди долари е извршена по просечна цена од околу 202 долари по акција, наспроти 290 колку што изнесуваше вредноста на акциите во август.
