Компанијата Meta Platforms Inc. соопшти дека ќе отпушти 13 отсто од својата работна сила, или повеќе од 11.000 вработени.
Ова масовно отпуштање, прво во 18-годишната историја на Мета, следи по отпуштањата што се случија во други големи технолошки компании како што е Твитер во сопственост на Илон Маск, пишува Ројтерс.
„Не само што онлајн трговијата се врати на претходните трендови, туку макроекономскиот пад, зголемената конкуренција и губењето на рекламите предизвикаа нашите приходи да бидат многу помали отколку што очекував“, рече извршниот директор Марк Закерберг во пораката до вработените.
Направив грешка и ја преземам одговорноста за тоа“, рече тој.
Компанијата, исто така, планира да го намали дискреционото трошење и да го продолжи замрзнувањето на вработувањата во текот на првиот квартал. Но, не ги откри очекуваните заштеди на трошоците од потезите.
Мета имаше 87.314 вработени на крајот на септември.
