„Berkshire Hathaway“ објави солиден раст на оперативниот профит во третиот квартал и покрај растечките стравови од рецесија, а Ворен Бафет продолжи да ги откупува акциите со умерено темпо, пренесува „CNBC“.
Оперативната добивка на конгломератот со седиште во Омаха, што ја претставува добивката генерирана од безброј бизниси што ги поседува конгломератот, како што се осигурување, железници и комунални услуги, изнесуваше 7,761 милијарди долари во третиот квартал, што е за 20 отсто повеќе од истиот период минатата година.
Приходите од осигурителните инвестиции изнесуваат 1,408 милијарди долари наспроти 1,161 милијарди долари пред една година. Заработката од инвестиции во комунални претпријатија и енергетски бизниси изнесуваше 1,585 милијарди долари, што е повеќе од 1,496 милијарди долари една година порано. Сепак, осигурувањето забележа загуба од 962 милиони американски долари, а профитот од железничкиот бизнис падна на 1,442 милијарди долари од 1,538 милијарди долари во 2021-ва година.
„Berkshire Hathaway“ потроши 1,05 милијарди долари за откуп на акции во кварталот, со што вкупниот износ за првите девет месеци од годината достигна 5,25 милијарди долари. Темпото на откуп се совпадна со 1 милијарда долари купени акции во вторите три месеци.
Сепак, „Berkshire“ сепак забележа нето загуба од 2,69 милијарди долари во третиот квартал, во споредба со добивката од 10,34 милијарди долари една година порано. Загубата најмногу се должи на падот на акциите на компанијата во услови на превирања на пазарот.
Акциите на конгломератот на Бафет се подобрија од поширокиот пазар во оваа година, со пад на акциите од класата А за околу 4% наспроти падот од 20% на „S&P 500“. Цената на нејзината акција падна за 0,6% во третиот квартал.
Бафет продолжи да купува акции на „Occidental Petroleum“ во третиот квартал, при што уделот на „Berkshire“ во нафтениот гигант достигна 20,8%. Во август, компанијата доби регулаторно одобрение за купување до 50 отсто од акциите, што предизвика шпекулации дека на крајот може да го купи целиот „Occidental“.
Конгломератот имаше акумулирано готовина од речиси 109 милијарди долари на крајот на септември, што е повеќе од 105,4 милијарди долари на крајот на јуни.
