Со текот на годините видовме дека брзината на полнење на телефоните се зголемува. Порано беше нормално да се полни телефонот неколку часа, па затоа беа воведени телефони со брзи полначи кои го намалија тоа време на под еден час. Потоа дојдоа супер брзите полначи, кои ја завршија работата за 30 или дури 15 минути… Xiaomi успеа да постигне уште подобар резултат со штотуку лансираната серија Redmi note 12.
Redmi Note 12 Discovery Edition постави нов рекорд на брзина на полнење, на кој му се потребни само девет минути за полнење на батеријата од 4.300 mAH од 0 до 100 проценти! За да се постигне ова, се користи полнач HyperCharge од 210 W, а процесот е контролиран од три чипови за брзо полнење од 100 W.
Инаку, телефонот има процесор од средна класа MediaTek Dimensity 1080, 8 GB RAM и 256 GB простор за податоци. Доаѓа со 6,67-инчен OLED екран со резолуција од 1.080 x 2.400 пиксели и брзина на освежување од 120 Hz. Главната камера е со резолуција од 200 MP (го користи новиот HPX сензор на Samsung), а до неа се имплементирани ултра широка камера од 8 MP и макро камера од 2 MP, додека на предната страна е поставена селфи камера од 16 MP.
Телефонот има слот за две SIM картички, два звучници, аудио излез од 3,5 мм, сензор за отпечатоци на копчето за вклучување, NFC и инфрацрвен предавател (за да може да се користи како универзален далечински управувач), а се базира на Android 12 OS . Почетокот на продажбата на овој телефон (на глобално ниво) се очекува на почетокот на ноември, а неговата цена ќе изнесува околу 350 долари.
