Има се повеќе детали за серијата на телефони „Galaxy S23“, која се очекува да биде објавена на почетокот на 2023-та година.
Најновите извештаи ни даваат повеќе детали за најмоќниот модел од новата серија на јужнокорејскиот производител, а тоа е „Galaxy S23 Ultra“.
Дојавувачот „Ice Universe“ тврди дека „Galaxy S23 Ultra“ ќе создаде многу подобри телефото фотографии. Според неговите сознанија, „Samsung“ ги подобрил боите и некои алгоритми за вештачка интелигенција.
Неодамна се појавија информации дека „Samsung Galaxy S23 Ultra“ ќе го има истиот сензор за перископ од 10 MP со 10x зум и телефото модул од 10MP со 3x оптички зум.
Сензорот за главната камера на „Galaxy S23 Ultra“ ќе биде 200 MP и ќе му овозможи на уредот да снима повеќе детали во фотографиите и видеата.
Се очекува „Samsung Galaxy S23 Ultra“ да биде придвижуван од чипсетот „Snapdragon 8 Gen 2“, додека дизајнот ќе остане речиси идентичен со неговиот претходник – „S22 Ultra“.
