„Alfa Romeo 8C-35“ со црвена боја во облик на куршум изработена специјално за Бенито Мусолини, неодамна е продадена за импресивни 7.1 милиони евра.
Овој модел долги години бележеше голем број на рекорди, а откако ја постигна споменатата цена, постигна уште еден рекорд – втор најскап европски автомобил.
Овој автомобил бил италијански штитеник на Гранд При натпреварувањата, кој за прв пат земал учество на трките во 1935 година под управата на Судерија Ферари.
Овој автомобил воедно бил и најнов производ во долгорочното ривалство помеѓу нацистичка Германија и тимот на Мусолини. Возилото во целост е реставрирано и е потполно исправно.
