Корисниците ширум светот пријавуваат проблеми со популарната апликација за пораки.
WhatsApp има проблеми со својата работа, како што објави сајтот DownDetector, кој го следи функционирањето на бројни сајтови на интернет.
Корисниците од речиси сите делови на светот известуваат дека имаат проблем со функционирањето на WhatsApp – не можат да испраќаат или примаат пораки.
Корисниците на мобилната верзија на услугата, како и на десктоп верзијата, се соочуваат со проблеми со апликацијата.
Исто така, оние што се обидуваат да ја постават својата сметка на WhatsApp сега известуваат дека QR-кодот за скенирање и поврзување на нивната сметка се заглавува во режимот за вчитување.
WhatsApp засега нема соопштенија, па нема официјални информации што го предизвикува проблемот со функционалноста на апликацијата.
WhatsApp е најголемата платформа за пораки во светот и има повеќе од две милијарди активни корисници месечно.
