Украинскиот претседател Володимир Зеленски предупреди дека само Русија може да користи нуклеарно оружје во Европа. Москва објави дека руските сили продолжиле со нападите врз воени и енергетски објекти. Руските и американските министри за одбрана Сергеј Шојгу и Лојд Остин разговараа за ситуацијата во Украина по втор пат во три дена.
Борбите се водат на истокот и југот на Украина. На фронтот најинтензивно е во Керсон, каде се евакуираат цивили. Од друга страна, руското Министерство за одбрана соопшти дека продолжуваат нападите врз воени и енергетски објекти во Украина.
Украинскиот претседател Володимир Зеленски во видео порака во врска со изјавата на рускиот министер за одбрана Сергеј Шојгу дека е загрижен поради можноста Киев да употреби „валкана бомба“, предупреди дека само Русија може да користи нуклеарно оружје во Европа.
Претходно, Шојгу на своите колеги од Франција, Велика Британија и Турција им ја пренесе загриженоста за „можните провокации на Украина со употреба на валкана бомба“, која е направена од конвенционален експлозив, но јадрото е покриено со радиоактивен материјал.
Рускиот и американскиот министер за одбрана Сергеј Шојгу и Лојд Остин вчера по втор пат во три дена зборуваа за ситуацијата во Украина.
Пентагон соопшти дека Остин во разговорот со рускиот министер го отфрлил секое оправдување за ескалација на конфликтот во Украина.
