„Ferrari“ го објави новото промотивно видео за „458 Speciale“ моделот кој неодамна за прв пат е претставен на саемот за возила во Франкфурт.
Дизајниран како ултимативна „458“-ца, овој модел се одликува со аеродинамична надворешност со нов преден браник, унапредени странични додатоци и истакнат заден дифузер, а тука е и големиот заден браник.
За моќноста е задолжен надградениот 4.5L V8 мотор кој постигнува 605ks излезна моќност и 540Nm вртежен момент, а сето тоа е поврзано со двојна спојка за пренос која на овој модел му овозможува да постигне забрзување од 0 до 100км/ч за три секунди. Моделот го каректеризираат и „Brembo“ кочниците, „Side Slip Angle“ контролниот систем како и тркала со „Michelin Pilot Sport Cup2“ пневматици.