Холандската здравствено-технолошка компанија „Philips“ соопшти дека нејзината основна добивка за третиот квартал ќе се намали за 60% и објави 1,3 милијарди евра намалување на вредноста на нејзиниот проблематичен бизнис за нега на спиење и дишење.
Во своето ажурирање за тргувањето, „Philips“ рече дека споредливите продажби се намалиле за 5% на годишно ниво во третиот квартал бидејќи проблемите со синџирот на снабдување останале поголеми отколку што очекуваше компанијата.
Ова се очекува да ја намали прилагодената заработка пред камата, данок и амортизација (EBITA) на 210 милиони евра, или околу 5% од продажбата, соопшти „Philips“.
Прилагодената „EBITA“ изнесуваше 512 милиони евра во третиот квартал од 2021-ва година.
Отписот во бизнисот за нега на спиење следи по уредбата за согласност предложена од Администрацијата за храна и лекови на САД за да се решат проблемите што доведоа до отповикување на респираторните машини ширум светот што намалија околу 27 милијарди евра од пазарната вредност на „Philips“ во последните 15 месеци.
Портпаролот на компанијата Стив Клинк рече дека оштетувањето е „најдобрата проценка“ на последиците што мерките на ФДА може да ги имаат врз вредноста на бизнисот, додека разговорите со регулаторот сè уште се во тек.
Од „Philips“ велат дека очекува проблемите со синџирот на снабдување и забавувањето на економскиот раст ширум светот, исто така, да резултираат со пад од 4% до 6% на споредливите продажби во четвртиот квартал и опсег на маржата „EBITA“ од 7-9% до двоцифрена.
„Philips“ ќе ги објави своите целосни резултати за третиот квартал на 24-ти октомври.
