28 март, 2024
ПочетнаКОМПАНИИ„United Airlines“ сака да почне да лета со електрични авиони до 2030-та

„United Airlines“ сака да почне да лета со електрични авиони до 2030-та

Компанијата „United Airlines“ има за цел да има електрични авиони кои летаат на регионални линии до крајот на деценијата. Ова е дел од целта на компанијата целосно да го намали јаглеродот на нето нула до 2050-та година, пишува „CNBC“.

Овие авиони на батерии ги развива шведскиот стартап „Heart Aerospace“, од кој „United“ нарача 100 авиони во јули 2021-ва година.

Не само што „United“ има планови да купи електрични летечки такси и авиони за вертикално полетување, како и јаглеродни електрични мотори, туку и инвестира во компаниите кои стојат зад овие нови технологии.

„Не можеме да продолжиме да работиме и да го водиме онака како што го правиме во моментов. Императив е да го промениме тоа, а начинот на кој ќе го направиме тоа е со инвестирање во технологија“, коментира Мајк Лескинен, претседател на „United Airlines Ventures“, во интервјуто како дел од виртуелната конференција „ESG Impact“.

„Сегашната технологија или ќе не натера да летаме помалку, што е неприфатлива алтернатива, или ќе продолжиме со јаглеродниот отпечаток, што веруваме дека е подеднакво неприфатливо“, посочува тој.

„Heart Aerospace“, која неодамна направи промени во дизајнот на својот прв електричен авион, наречен „ES-30“, планира да го има во употреба авионот во 2028-ма година, вели Андерс Форслунд, извршен директор и основач на компанијата.

Авионите, кои ќе можат да превезуваат по 30 патници, ќе се напојуваат од електрични мотори на батерии кои овозможуваат авионите да имаат целосно електричен домет од 200 километри. Авионите ќе имаат и хибриден мотор на подготвеност, придвижуван од одржливо воздухопловно гориво, што ќе овозможи подолг домет, до 400 километри при полн лет.

„Heart Aerospace“, кој исто така има нарачки од „Air Canada“, „Mesa Air Group“ и „Icelandair“, доби инвестиции од „Breakthrough Energy Ventures“ на Бил Гејтс, како и од „EQT Ventures“.

Лескинен рече дека линиите на кратки релации се почетната визија на „United“ за тоа како ќе се користи технологијата, а аеродромите во Чикаго и Денвер се сметаат за клучни пазари за првата серија авиони.

Авионите ќе можат да се полнат за помалку од 30 минути, рече Форслунд, потенцијално се однесува на регионалните рути кои не ги опслужуваат модерните авиони.

НАЈНОВИ ВЕСТИ

ХОРОСКОП