И по копно и по море: Cybertruck на Tesla може да се користи и како брод

Откако Илон Маск го претстави Cybertruck, возилото на Tesla привлекува големо внимание во јавноста. Самата презентација се покажа како спектакуларен неуспех бидејќи на крајот ги искрши наводните неуништливи прозорци. Исто така, самиот дизајн на Cybertruck предизвикува спротивставени мислења. Додека некои го сметаат за привлечен и интересен, многумина го критикуваа на интернет и социјалните мрежи, но и покрај овие критики, Tesla може да се пофали со голем број на нарачки однапред.

Оваа недела, Илон Маск на Твитер зборуваше за Cybertruck со прилично изненадувачка објава во која напиша дека претстојниот пикап на Tesla може, верувале или не, да се користи како брод. Имено, тој напиша дека ќе биде доволно водоотпорен за да може кратко време да се користи како чамец, така што ќе може да поминува низ реки, езера, па дури и мориња кои не се премногу брановидни.

Како што велат од Tesla, Cybertruck има уникатен геометриски дизајн кој се разликува од класичните пикапи кои денес се возат на патиштата и има подобри перформанси од спортските автомобили. Секако, колку вистина има во сите овие најави ќе знаеме дури кога ова возило ќе стигне до првите сопственици и кога ќе го тестираат Cybertruck во реални услови.

Нема сомнеж дека некои од нив ќе се обидат да откријат дали Маск бил во право кога ја објавил водоотпорноста на својот нов пикап и дека со Cybertruck ќе се втурне во езерата, реките и морињата.

За такво нешто ќе треба да почека малку. Маск неколку пати го поместуваше датумот на почетокот на масовното производство, а според последните податоци тоа ќе биде во текот на првиот квартал наредната година, а потоа можеме да очекуваме почеток на продажбата.