„Сoca-Cola“, „Fanta“ и „Sprite“ наскоро може да исчезнат од полиците на „Edeka“. Најголемиот германски синџир на намирници не сака да прифати зголемување на цената на американскиот бренд на пијалоци, објави „Handelsblatt“, повикувајќи се на информации од индустријата.
Според тоа, „Coca-Cola“ ја известила „Edeka“ дека засега нема да испорачува повеќе стоки за супермаркетите.
Германската компанија за флаширање на „Coca-Cola“, „Coca-Cola Europacific Partners“, ги зголеми бруто-продажните цени од 1-ви септември, потврди компанијата за весникот.
„При приспособувањето на цената се водеше сметка за сегашното пазарно опкружување со значително зголемување на трошоците за енергетските извори, интермедијарните производи и услугите“, објаснува директорот за продажба Флоријан фон Залзен.
Зголемувањето на цените за сите производи и пакувања е просечно во „повисокиот едноцифрен процентуален опсег и затоа е јасно под моменталната инфлација на храната и, на пример, под развојот на цените за многу приватни етикети“.
„Храната не треба да стане луксузен производ“, „Bild“ ја цитираше изјавата на шефот на „Edeka“, Маркус Моза.
Од „Edeka“ појаснуваат за „Handelsblatt“ дека генерално не ги коментира односите со добавувачите.
Ова не е прв пат компанијата да има спор со добавувачите. Синџирот супермаркети во моментов е во спор околу цените и со американската компанија „Mondelez“, пишува весникот. Една од причините е фактот што во некои земји кафеана „Milka“ е достапна по многу пониска цена. Полиците за чоколади „Milka“ во „Edeka“ моментално се празни. „Mondelez“ исто така одби да ги коментира преговорите со трговските партнери.
Според информациите, соковите „Гранини“ и „Хохес Ц“ повеќе од една година ги нема на полиците во продавниците на „Edeka“ поради расправија со производителот на овошни сокови „Екес-Гранини“. Во спорот со „PepsiCo“, „Edeka“ од својот асортиман ја отстрани и целата палета на производи на американската компанија, вклучително и „Pepsi“ – додека конечно не се договори напролет.
