Американскиот производител на чипови „Qualcomm Inc“ рече дека неговиот иден автомобилски бизнис пораснал на 30 милијарди долари, што е повеќе од 10 милијарди долари од резултатите од третиот квартал објавени кон крајот на јули.
Растот во идниот бизнис е поттикнат од производот „Snapdragon Digital Chassis“ што го користат производителите на автомобили и нивните добавувачи, велат од „Qualcomm“. „Snapdragon Digital Chassis“ може да обезбеди технологии за асистирано и автономно возење, како и инфозабавни системи во автомобилот и поврзување во облак.
Во услови на бум на електричните возила и зголемување на автономните функции во автомобилите, бројот на чипови што ги користат производителите на автомобили вртоглаво расте, а автомобилскиот пазар е клучна област за раст за производителите на чипови.
„Кога размислувате за основата на автомобилот, за автомобил од пониска класа, имаме можност (цена) од приближно 200 до 3.000 долари на највисоките нивоа“, рече Акаш Палхивала, главен финансиски директор на „Qualcomm“.
„Одиме напред, мешавината ќе продолжи да се префрла на високо ниво, така што можноста ќе продолжи да се шири“. „Qualcomm“ рече дека големината на автомобилскиот пазар што го таргетира може да порасне на 100 милијарди долари до 2030-та година.
За фискалната 2022-ра година, компанијата очекува приходите од нејзиниот автомобилски бизнис да бидат околу 1,3 милијарди долари, што е повеќе од 975 милиони долари една година порано. Тие се очекува да пораснат на над 4 милијарди долари до фискалната 2026-та година и на над 9 милијарди долари во фискалната 2031-ва година.
„Qualcomm“, исто така, најави проширено партнерство со „Mercedes Benz Group AG“, која од 2023-та година ќе го користи „Snapdragon Cockpit“ за својот автомобилски инфозабавен систем.
„Qualcomm“ исто така има многу клиенти од автомобилската индустрија во Кина. Запрашан за влијанието на пошироките регулативи за извоз на САД, извршниот директор Кристијано Амон рече дека „силните, заемно корисни партнерства меѓу американските и кинеските претпријатија секогаш ќе бидат сила за стабилност. Но, ќе видиме што ќе донесе иднината“, додаде тој.
