вторник, 27 септември 2022
ПочетнаТЕХНОЛОГИЈА„Dynamic Island“ може да се појави на сите модели на „iPhone 15“

„Dynamic Island“ може да се појави на сите модели на „iPhone 15“

За почеток, имаме само едно да кажеме – па кога? Исто како што беа претставени мобилните телефони „iPhone 14“, еве ги гласините за следната генерација.

„Dynamic Island“ е многу интересна функционалност која „Apple“ ја претстави на „Pro“ моделите на својата нова серија телефони, публиката реагираше позитивно, а судејќи според актуелните информации на порталот „TechSpot“, следната година нè очекува проширена имплементација.

Што е „Dynamic Island“?

Никој го нема она што го има „Apple“ и тоа е многу квалитетен софтверско-хардверски трик кој, признаваме, изгледа многу ефикасен. Имено, за да го скрие присуството на една „pill“ и една „punch hole“ за селфи камерата и сензори за биометриско отклучување на телефонот на своите мобилни уреди „Pro“, компанијата „Apple“ го дизајнирала „Dynamic Island“ кој го користи овој „црн“ простор на камерите и го проширува за да ги прикаже моментално тековните известувања.

Покрај тоа, ова е интерактивно поле што можете да го допрете со прстот и или да го проширите известувањето или целосно да ја отворите апликацијата чие известување се прикажува внатре во „динамичниот остров“. Сето ова е надополнето со многу флуидни анимации кои ја зголемуваат привлечноста на целиот трик. Единствениот проблем е што во моментов мал број апликации поддржуваат ваков тип на функционалност, но тој број најверојатно постепено ќе расте.

Нека се подготви „iPhone 15“

Имено, се чини дека „Dynamic Island“ е функционалност која ќе се појави во следната генерација на мобилни телефони на „Apple“. Според експертот и инсајдер Рос Јанг, оваа функционалност најверојатно ќе се појави кај сите мобилни телефони „iPhone 15“, не само кај „професионалните“.

Така, или целиот асортиман на уреди на „Apple“ ќе добие исечок со селфи камера и сензори како актуелните модели „Pro“, или ќе биде дизајниран сличен систем што би можел да го камуфлира озлогласениот „засек“ што е присутен на телефоните на овој производител веќе подолго време.

НАЈНОВИ ВЕСТИ

ХОРОСКОП