„Ralph Lauren“ се стреми кон побрз раст на продажбата во следните три години отколку што очекуваше „Wall Street“ бидејќи модниот бренд се обидува да привлече нови клиенти и продолжува да ги зголемува цените на своите производи.
Компанијата за облека со седиште во Њујорк сака да постигне средно до високо едноцифрен раст на приходите во секоја од следните три фискални години, вклучувајќи ја и тековната, се вели во соопштението објавено денеска пред презентацијата пред инвеститорите. Новата прогноза, која ги исклучува валутните флуктуации, ги опфаќа фискалните години до првите три месеци од 2025-та година.
„Оваа компанија сега е подготвена да го забрза растот и создавањето вредност и има моментум да го стори тоа“, коментира извршниот директор Патрис Луве.
„Конкретно, Канада и САД носат можности за раст што инвеститорите можеби ги потценуваат“, додава тој.
Стратегијата на „Ralph Lauren“ се надоврзува на работата на компанијата во последниве години за затворање на продавници со слаби перформанси, истовремено намалувајќи ги промоциите и почнувајќи да нуди поскапи артикли. Доколку се постигне, високиот едноцифрен раст на продажбата ќе ја надмине просечната прогноза на аналитичарите анкетирани од „Bloomberg“, кои очекуваат раст од 1,6 отсто во тековната фискална година и околу 4,5 отсто во следните две.
„Ralph Lauren“ има за цел да ја зголеми просечната цена на својата стока до средно едноцифрени во следните неколку години, објасни Луве. Таа бројка е зголемена за 64 отсто од последниот ден на инвеститорот на компанијата во 2018-та година, додаде тој. Компанијата го постигна ова делумно со намалување на зависноста од попустите на стоковните куќи. „Ralph Lauren“ сега продава речиси две третини од своите производи преку своите продавници и веб-страници.
Тие повисоки просечни цени помогнаа да се зголемат приходите од продажба и да се привлечат побогати клиенти подготвени да платат повисоки цени – тренд што трговците на мало го нарекуваат „брендирање“. „Ralph Lauren“ нема да прибегнува кон длабоки попусти оваа празнична сезона како што беше во изминатите години, рече Луве.
Сепак, тој очекува на крајот на годината да има големи промоции од трговците на мало кои се обидуваат да го вратат изгубениот удел на пазарот или да го намалат вишокот залихи што го создале поради проблеми со синџирот на снабдување.
„Сакаме да бидеме компанија за луксузен животен стил. Нема да ја игнорираме средината во која работиме, но нема да прибегнуваме кон агресивна промотивна активност за да го поттикнеме нашиот бизнис“, додава тој.
„Ralph Lauren“ ќе продолжи да се бори за привлекување помлади клиенти, за кои Луве верува дека помогнале да се зголеми продажбата на интернет до 26% од вкупниот приход. Тој очекува уделот да порасне на околу 33% во следните неколку години.
Во исто време, компанијата се обложува на раст во женскиот сегмент на долг рок и цели оваа категорија да донесе половина од продажбата. Во моментов, таа изнесува околу 30%. Луве вели дека сака да го искористи фактот што повеќе од половина од клиентите кои доаѓаат во продавниците на „Ralph Lauren“ се жени, но тие често купуваат за машки пријатели или членови на семејството.
„Ralph Lauren“ цели на оперативна маржа од најмалку 15% до фискалната 2025-та година. Тоа е над очекувањата на „Wall Street“. Аналитичарите анкетирани од „Bloomberg“ прогнозираа 12,3% оваа година и 12,9% во фискалната 2025-та година.
Компанијата, која ја потврди својата претходна прогноза за 2023-та година од август, планира да потроши 4-5% од својот приход за годишни капитални расходи во текот на тригодишниот период. „Ralph Lauren“ сака да отвори уште неколку стотици продавници во тие три години, најмногу во Кина, Јужна Кореја и Јапонија, откри Луве.
Според него, компанијата има можност да се прошири во Калифорнија и на западниот брег. „Ralph Lauren“ планира да отвори 15 до 20 продавници во САД до почетокот на 2025-та година.
Компанијата ќе врати околу 2 милијарди долари на акционерите во текот на периодот преку дивиденди и откуп на акции.
