Британското Министерство за одбрана објави нови дневни извештаи на нивните разузнавачи за ситуацијата во Украина. И во него ја допреа и руската црноморска флота.
-Командата на руската Црноморска флота речиси сигурно ги преместила своите подморници од класата KILO од домашното пристаниште Севастопол на Крим во Новоросијск на Краснодарската територија, на југот на Русија, пишуваат Британците.
-Ова најверојатно се должи на неодамнешната промена на нивото на безбедносна закана во светло на зголемените украински напади од долг дострел. Во последните два месеци беше нападнато седиштето на флотата и нејзиниот главен аеродром, забележуваат британците.
Украина: Русите истрелаа 100 гранати во областа Никопол
Руските сили синоќа истрелаа над 100 гранати во областа Никопол, соопшти шефот на регионалната управа на Днепропетровск, Валентин Резниченко.
Според прелиминарните податоци нема повредени, јавува Униан.
Во тек е утврдување на обемот на уништувањето.
Спасувачите и полицијата се на местото на нападот.
Десет цивили беа убиени во ДНР за време на гранатирањето.
Штабот на територијалната одбрана на Доњецката Народна Република соопшти дека при гранатирањето на територијата на ДНР во текот на претходниот ден загинале десет лица, а уште 15 се повредени.
-Во изминатите 24 часа, од 08:00 часот на 19 септември до 08:00 часот на 20 септември, десет лица загинаа, а уште 15 цивили беа ранети во гранатирањето на вооружените сили на Украина на територијата на Доњецката народна Република, се наведува на каналот на Телеграм.
Претходно се дозна дека бројот на загинати во гранатирањето на Горловка од страна на вооружените сили на Украина се искачи на пет.
Ердоган: Русија се стреми да стави крај на конфликтот во Украина што е можно поскоро
Турскиот претседател Реџеп Таип Ердоган смета дека Русија се обидува да стави крај на конфликтот во Украина што е можно поскоро. Ваквото мислење тој го искажа во понеделникот во интервју за американската телевизиска компанија „PBS“. На прашањето колку брзо, според него, ќе заврши конфликтот во Украина, турскиот лидер рече дека верува оти Русија ќе се стреми да го реши конфликтот што е можно поскоро.
– Во Узбекистан се сретнав со претседателот на Русија, Владимир Путин и имавме многу детални разговори со него, рече Ердоган. Според неговите зборови, рускиот лидер „демонстрирал дека се обидува да го заврши тоа што е можно поскоро“.
