вторник, 27 септември 2022
ПочетнаАВТОБИЗОбјавено колку вреди Порше пред да излезе на берзата

Објавено колку вреди Порше пред да излезе на берзата

Акциите на Фолксваген денеска благо пораснаа откако соопшти дека цели на проценка до 75 милијарди евра за брендот Порше.

Тоа е потенцијално третата најголема иницијална јавна понуда (IPO) досега во Европа.

Порше има за цел да ги придобие инвеститорите со својот стабилен бренд и високите оперативни маржи, иако акциите на другите производители на луксузни автомобили како Ферари и Астон Мартин оваа година настрадаа поради превирањата на европските берзи.

Проценката објавена во неделата од 70 до 75 милијарди евра е малку под очекувањата на некои инвеститори од дури 85 милијарди евра, но сепак далеку ја надминува проценката на другите германски производители на автомобили како БМВ од 49 милијарди евра или Мерцедес-Бенц на 61 милијарди долари.

Исто така, се приближува до пазарната капитализација на Volkswagen од 88 милијарди евра.

Производителот на автомобили забележа раст на неговите акции за 3 отсто во претпродажбата.

Иако IPO-то сè уште може да се повлече пред почетокот на тргувањето на 29 септември, главниот финансиски директор на Porsche AG, Лук Мешке, претходно овој месец изјави дека тоа ќе се случи само во случај на нови „тешки геополитички проблеми“.

НАЈНОВИ ВЕСТИ

ХОРОСКОП