понеделник, 28 ноември 2022
ПочетнаКОМПАНИИ„Amazon“ го стопира градењето магацини во Шпанија

„Amazon“ го стопира градењето магацини во Шпанија

Американскиот технолошки гигант „Amazon.com“ ја стопираше изградбата на нови магацини во Шпанија до 2024-та. Ова го пишува шпанскиот весник „El Confidencial“, повикувајќи се на извори од компанијата кои сакале да останат анонимни, пренесува „Reuters“.

„El Confidencial“ тврди дека компанијата за е-трговија им кажала на своите добавувачи и партнери „да чекаат и да видат“ бидејќи онлајн купувањето поттикнато од пандемијата се забавува.

Во изјавата испратена по е-пошта до „Reuters“, од „Amazon“ велат: „Нашата посветеност кон Шпанија останува“.

„Во 2022-ра година отворивме нови логистички станици, центри на „Amazon Fresh“ и логистички центар (во Шпанија)“, соопшти компанијата без да даде детали.

Во јуни, „Amazon“ соопшти дека планира да додаде 2.000 нови работни места во Шпанија во 2022-ра година, со што вкупната работна сила во земјата ќе достигне 20.000 лица.

Во почетокот на септември, „Bloomberg“ објави дека „Amazon“ ќе ги отфрли своите операции за испорака од големи размери поради забавување на растот на продажбата со отфрлање на голем број постоечки логистички капацитети и планирани во САД, според консултантската компанија „MWPVL International“, која следи недвижен имот.

Според компанијата, „Amazon“ или ги затворила или се откажала од плановите за отворање на 42 локации и одлучила да ја одложи изградбата на уште 21. Во тоа време, компанијата соопшти дека „Amazon“ откажал и неколку европски проекти, особено во Шпанија.

НАЈНОВИ ВЕСТИ

ХОРОСКОП