„Air China“ и „Rolls-Royce“ на Меѓународниот саем за услуги во Кина најавија основање на заедничко вложување за одржување, поправка и ремонт на мотори (MRO) во Пекинг, објави „China Media Group“ (CMG).
Заедничкото вложување, „Beijing Aircraft Engine Services Company“ (BAESL), ќе обезбеди услуги за одржување, поправка и ремонт на авионските мотори „Rolls-Royce Trent 700“, „Trent XWB-843 и „Trent 1000“.
Во моментов, „Air China“ ги има сите три типа на мотори во својата флота, пренесуваат светските агенции.
„Air China“ и „Rolls-Royce“ ќе поседуваат по 50 отсто од акциите во заедничкото вложување со договорена сума од 2,61 милијарди јуани (околу 378,2 милиони американски долари).
„BAESL“ ќе обезбедува услуги за „Air China“, како и за други авиокомпании. Од друга страна, „Rolls-Royce“ моментално одржува мотори за 60 проценти од кинеските авиони со широки трупови.
