„И покрај притисокот од санкциите и неповолното надворешно опкружување, Групацијата „Гаспром“ оствари рекордни приходи и нето добивка во првата половина на 2022 година, притоа сведувајќи го нето долгот и финансискиот ризик на минимум“, изјави заменик директорот на „Гаспром“ Фамил Садигов.
Руската енергетска компанија Гаспром објави дека остварила рекордна добивка во првата половина од годината и покрај санкциите на Западот поради војната во Украина.
Нето добивката е 41,6 милијарди евра, додека во 2021 година рускиот гигант оствари добивка од 27,5 милијарди евра, се наведува во соопштението на Газпром, во кое се додава дека ќе се исплатат дивиденди.