Невреме проследено со интензивен дожд, електрични празнења и град попладнево ја зафати Скопската Котлина.
Поплавени улици, откорнати дрвја, уништени автомлобили. Ваква е сликата во Скопје кое е зафатено е силно невреме проследено со интензивни врнежи, грмежи, ветер и град.
Силното невреме го поплави булеварот Јане Сандански, но и автомобили кои возеле во моментот кога силен град и дожд паѓаа во овој дел од Скопје. Сообраќајот е делумно блокиран.
Засега е познато дека има материјални штети, откорнати дрвја, а во делови од Скопје оштетени се и возила.
Дождот го поплави „Ист гејт мол“
Дождот што попладнево го погоди Скопје го поплави трговскиот центар „Ист гејт мол“.
На социјалните мрежи се споделуваат видеа и фотографии на кои може да се види дека водата има навлезено и во дел од продавниците.
Под подвозникот кај хотел „Континентал“ заглавени се четири автомобили, со патници меѓу кои и деца, а поплавена е улицата и кај подвозникот на Бит-пазар, при што заглавени се неколку автомобили и едно кобе, со вкупно петнаесеттина луѓе. Како што информираа од Центарот за управување со кризи ним во моментов им се помага од страна на службите според приоритет.
