Француската „TotalEnergies“, која се соочи со критики поради нејзините деловни зделки со Русија, во петокот соопшти дека ќе го продаде својот удел во „Terneftegaz“, заедничко вложување со „Novatek“, на руската компанија за нафта и гас, пренесува „Reuters“.
„Договорот се очекува да се затвори во 2022-ра година, под вообичаени услови“, се вели во соопштението на компанијата.
Француската компанија беше под притисок оваа недела поради нејзините врски со „Terneftegaz“, откако францускиот весник „Le Monde“ објави дека компанијата испорачувала гасен кондензат кој подоцна бил претворен во керозин што се користи во две руски воени бази.
Во соопштението во петокот попладне, „TotalEnergies“ рече дека продажбата била планирана пред да се појави контроверзната ситуација и дека барањето за одобрување на договорот било поднесено до руските власти уште на 8-ми август.
Во својата статија, „Le Monde“ тврди дека заедничкото вложување „Terneftegaz“ е вклучено во снабдувањето со гасен кондензат за производство на гориво за авиони што можеби го користела руската војска во Украина.
Претходно во петокот, „TotalEnergies“ потврди дека со „Novatek“ во Русија произвела гасен кондензат кој на крајот се произведувал во авионско гориво, но тоа е целосно за извоз.
Невладината организација „Global Witness“, која му помогна на „Le Monde“ да ја развие својата приказна, вели дека „TotalEnergies“ се контрадикторни во своите изјави и дека треба да се спроведе истрага.
