Илон Маск би можел да добие пристап до податоците на Твитер користени во ревизијата на активни корисници во 2021 година.
Другите информации што Маск ги бараше во обид да го раскине неговиот договор од 44 милијарди долари за купување на компанијата беа одбиени од судијата како „апсурдно широки“.
Твитер ќе треба да достави податоци за 9.000 анализирани сметки во последниот квартал од 2021 година. Податоците беа анализирани со цел да се утврди бројот на лажни профили.
Компанијата тврдеше дека овие податоци не постојат и дека ќе биде тешко да се соберат. Сепак, им беше даден рок од две недели компанијата да ги изнесе податоците.
Маск тврдеше дека компанијата го измамила со погрешно прикажување на бројот на лажни корисници на оваа социјална мрежа во финансискиот извештај на кој тој се потпирал при понудата за купување.