Ако се надевавте дека ќе добиете „PS VR 2“ за оваа празнична сезона, за жал, немате среќа.
Речиси шест години откако „Sony“ ги лансираше слушалките „PS VR“, гигантот во понеделникот објави на „Instagram“ дека следната верзија на „VR“ системот нема да пристигне до „почетокот на 2023-та година“.
Компанијата првпат го покажа новиот хардвер, кој вклучува ажурирани слушалки и обновени контролери, пред неколку месеци. Дизајниран за подобро да одговара на естетиката на конзолата „PS5“, „PS VR 2“ наводно ќе има подобра ергономија, како и пренос во живо и режим на кино.
Според блогот „PlayStation“ во минатиот месец, новите слушалки ќе работат со резолуција од 4000 x 2040 (тоа е 2000 x 2040 по око) на 90/120 Hz. Сѐ уште нема информации за цената.
