Може слободно да се каже дека мотивационото писмо е карта за влез во одреден свет. Се разбира, тоа може да се однесува на неколку ситуации, како што е аплицирање на оглас за работа, пријава за стипендија или некоја друга важна ситуација. Како и да се гледа, се работи за клуч кој помага за понатамошен напредок.
Мотивационото писмо треба да биде напишано на тој начин што ќе се издвојува од многуте останати апликации.
Формула не постои, нема детални правила, но постојат насоки кои можат да ви помогнат да бидете поуспешни во постигнувањето на некои специфични цели. Ние ќе ви откриеме неколку интересни информации околу пишувањето на мотивационото писмо.
Мотивационото писмо првенствено е документ, кој се дава во прилог на вашето CV, односно вашата биографија во која ги сумирате сите релевантни информации во врска со вашето претходно работно искуство и образование.
Целта на мотивационото писмо е, всушност, да ги нагласите сите аспекти на вашата работа, и се разбира сите предности кои што можат да ви помогнат. Она што може да биде најкорисно е да размислите за тоа, како на најдобар начин да се претставите, за одредено лице да ве одбере токму вас.
Со оглед на тоа дека се работи за формален документ, нормално треба да објасните дека во прилог следи уште еден документ кој може да се печати на А4 формат и кој ќе биде испратен заедно со останатите документи.
Една од најчестите грешки што луѓето ги прават за време на составувањето на мотивационо писмо е првенствено здодевниот вовед во кој се наведени фактите. Посветете повеќе внимание на оригиналноста.
Во ниедна реченица не сте покажале како би решиле одреден проблем. Тоа е нешто што ниеден работодавец не сака да го види. Покрај тоа, обидете се да се наметнете, покажете што знаете и преземете иницијатива.
