AppleTogether, глобалниот синдикат на вработени во Apple, издаде петиција.
Тие побараа од раководството на компанијата на сите вработени да им обезбеди право на работа од дома и/или од канцеларија, во зависност од индивидуалните околности на вработените.
„Бараме: Apple да дозволи секој од нас да работи директно со нашиот менаџер за да открие какви флексибилни работни аранжмани се најдобри за секој од нас и за Apple. Овие работни аранжмани не треба да бараат одобренија од повисоко ниво, сложени процедури, или давање приватни информации“, се вели во писмото на AppleTogether.
Синдикатот верува дека Apple треба да поттикне, а не да забранува, флексибилна работа за да изгради поразновидна и поуспешна компанија каде што вработените ќе се чувствуваат удобно заедно да „размислуваат поинаку“, се вели во петицијата.
Претходно во август, Apple наводно испратил меморандум до своите вработени во кој ги информирал дека почнувајќи од 5 септември, ќе се очекува да работат од канцеларија најмалку три дена во неделата.
